ورش عمل مجانية في مختلف التخصصات - Career Launcher 2nd Edition

ورش عمل مجانية - ورش عمل مجانية في مختلف التخصصات 

كيه فيكتور K-Vector بتجهزلك منصة انطلاق مع كبرى الشركات فى سوق الأعمال عشان تستفيد منها، انت بس عليك..تنطلق..!

ورش عمل مجانية في مختلف التخصصات

عنوان الايفنت: 

ورش عمل مجانية في مختلف التخصصات

Career Launcher 2nd Edition

عن الايفنت:

كل الناس اللى عندها حب لعلم معين، نفسها تطور نفسها فيه، نفسها تتدرب فى شركة كبيرة فى المجال دة عشان تبقى نقطة قوية فى الـCV أو حتى لمجرد الاستفادة بالخبرة، وإنه يتلقى علم تطبيقى أفضل، نابع من خبرة مش نظريات.. 

 K-Vector بتجهزلك منصة انطلاق مع كبرى الشركات فى سوق الأعمال عشان تستفيد منها، انت بس عليك..تنطلق..!

مين "K-Vector "؟
هي عبارة عن فكرة طلعت من هندسة القاهرة من 4 سنين، فكرة تقديم علوم تطبيقية، ورش عمل، وتدريبات للشباب، بهدف المساهمة فى تطوير فكر طلبة فى المستقبل يكونوا قادرين على تحقيق ثورة صناعية، واقتصادية فى مصر، وعشان فكرة المتلقى بتختلف، اختلفوا عن الناس فى توصيل المعلومة والفكرة 

فى السنة الرابعة اصبحت المشروعات اللى بيقدموها هى الايفينتات وقدموا السنة دى "I-nnova"، اتكلموا فى ريادة الأعمال، التسويق والتخطيط لفكرتك عشان تتحول لواقع، حضره 1200 شخص وكان نجاح باهر 

بعدين عملوا مجلة الكترونية "K-Innova"، وكلموا عدد أكبر من الناس، بدأوا ورش العمل بس - للأسف - فى ورش العمل تم قبول عدد قليل عشان سضمنوا وصول المعلومة بسلاسة للشباب ، ومن هنا عملوا"Career Launcher".. 

ايه "Career Launcher"؟
من سنة بالظبط، وعشان هم عارفين قيمة المعرفة والعلم التطبيقى فى تحقيق رؤيتهم، ولالتزامهم بتقديم ورش العمل لعدد محدود - للأسف - فكروا فى تقديم ورش عمل أشمل، لحضور أكبر، بخبرات وأسامٍ أثبتت نفسها فى أعلى المراكز فى سوق الأعمال؛ عشان تقدم خلاصة علومها وتجاربها بين أيدى الشباب، عشان مش يعيشوا طول حياتهم بيخترعوا العجلة ويفضلوا مكانهم للأبد.. ومن هنا جت فكرة "Career Launcher". 

دة "2""Career Launcher"!

أمال الإصدار الأول كان فيه ايه؟! وليه كررتوها؟! وايه الجديد؟!
فى المرة الأولى بلغ عدد الحضور 250 فى 4 ورش عمل، ومن أعظمهم تأثيراً ورش عمل "Barclays" و"Ghabbour-Auto"، وبعد ما خلص وشافوا أنه أدى المغزى من تنظيمه، بل وتخطى كل التوقعات، اتجهوا لإعادة التجربة ولكن مع تقديمها لعدد أكبر 

دلوقتى فرصتك لتلتحق بالإصدار الثانى لـ"Career Launcher" وتنطلق نحو تطوير فكرك، اكتساب الخبرات، وتأخذ دورك فى تطوير المستقبل..

ايه ورش العمل للسنة دى؟!

1- ورشة عن Embedd Systems 

AMIT من اكبر مراكز التدريب في مصر هتقدم لنا ورشة عمل يوم الخميس عن ال " Embedd Systems " وازاي تستخدم ال"Micro Controllers" في حياتك

2- ورشة عن Car Engines

Volkswagen الشركة اللي تعتبر من أقوى مصنعي السيارات في العالم بتقدملك ورشة عمل عن Car Engines

3- ورشة عن Manual Transmission

Ghabbour-Auto and Cartera: غبور هتقدم ورشة عمل عن Manual Transmission وكمان كاريترة هتكون موجوده اليوم التاني علشان زي معودتنا تعلمنا اكتر عن العربيات

4- ورشة عن HR - Human Resource

Volkswagen تاني و زي أي شركة كبيرة من اهم اركانها الموارد البشرية علشان كده عملت لكم ورشة عن (Human Resources) وهتعلمنا اهمية الموارد البشرية في اي شركة كبيرة.

5- ورشة عمل في Project management

Barclays Bank واحد من اكبر البنوك في العالم هيعلمك ازاي تعمل خطة لمشروعك عن طريق ورشة عمل في Project management

6-  ورشة عمل فى الـ"Big data and predictive analytic" 

TA Telecom شركة عالمية فى مجال الاتصالات وتطبيقات المحمول، هتقدم لنا ورشة عمل فى الـ"Big data and predictive analytic" وازاى بيستخدموه عشان تطوير الشركة.

7- ورشة عمل عن الـ"Networks" 

Cisco شركة عالمية عملاقة متخصصة فى علم الشبكات بشكل عام، وأبدعت فى هذا المجال وتطورت الشركة لتنشئ برامج تدريبية لديها لكل طلاب الشبكات حول العالم، هتقدم لنا ورشة عمل عن الـ"Networks".

7-  ورشة عمل عن ال "concrete" انواعه و تطبيقاته 

Detac واحدة من اكبر الشركات في مجال الهندسة المدنية هتقدم لنا ورشة عمل عن ال "concrete" انواعه و تطبيقاته 

لو عايز تعرف أكتر عن ورش العمل والعلوم اللى هيقدموها، وأى جديد هنقدمه فى الإيفينت، تابعونا على البيدج وصفحة الإيفينت من هنا 

وورش العمل دى امتى وفين؟
ورش العمل هتبقى على يومين 4-5/2، وهتبقى فى مقر جامعة النيل فى 6 أكتوبر.

طب دة ببلاش؟!
أيوة ببلاش، بس سجل واستنى مننا مكالمة تأكيد لمكانك فى ورشة العمل –عشان الأماكن محدودة - والتكلفة الوحيدة هتبقى للانتقالات فى الأتوبيسات من وإلى جامعة النيل فى 6 أكتوبر –للى عاوز مش جبرياً.

التقديم من خلال اللينك التالي من هنا

التسجيل:

يتم التسجيل من خلال الرابط التالي من هنا 

free courses - Career Launcher 2nd Edition